სერვისები

ბიზნესის (პროექტის) ყიდვა

ბითიჯის დახმარებით შესაძლებელია კომერციული ფართის, საწარმოს, რესტორანის, მშენებარე ობიექტის, მიწის ნაკვეთის, კომპანიის წილის, პატენტის, ზოგადად ნებისმიერი მიმართულების და სახის ბიზნესის (პროექტის) ყიდვა.

ბიზნესის/პროექტის ყიდვა შესაძლებელია 3 მეთოდით: 

ა) ჩვენი გუნდი თქვენი (დამკვეთის) სურვილის შესაბამისად, მოიძიებს მიწის ნაკვეთს, ან ბიზნეს პროექტს, მოაგვარებს ნებართვებისა და ლიცენზირების საკითხებს (საჭიროებისამებრ), მოაწესრიგებს იურიდიულ პროცედურებს და გამზადებულ ბიზნეს პროექტს გადმოგცემთ;

ბ) დაათვალიერეთ ჩვენს ვებგვერდზე არსებული ბიზნესები/ობიექტები და არსებული განაცხადებიდან შეარჩიეთ თქვენთვის სასურველი;

გ) გაეცანით ბითიჯის ვებგვერდზე განთავსებულ აუქციონებს, რომლებიც ბიზნესის მესაკუთრეების სურვილით (ინიციატივით) გაიმართება, მონაწილეობა მიიღეთ აუქციონში და შეიძინეთ სასურველი ბიზნესი/ობიექტი;

კორპორატიული (ექსკლუზიური) მომსახურება

ჩვენი გუნდი თქვენი (დამკვეთის) სურვილის შესაბამისად, მოიძიებს მიწის ნაკვეთს, ან ბიზნეს პროექტს, მოაგვარებს ნებართვებისა და ლიცენზირების საკითხებს (საჭიროებისამებრ), მოაწესრიგებს იურიდიულ პროცედურებს და გამზადებულ ბიზნეს პროექტს გადმოგცემთ.

ჩვენ სარგებელს (სერვისის ღირებულებას) მივიღებთ მხოლოდ დამკვეთის ინტერესის შესაბამისად ბიზნესპროექტის დამუშავების და დამკვეთისთვის გადაცემის შემდეგ.

კორპორატიული მომსახურების მიმართულებები:

• სამშენებლო-დეველოპერული პროექტი: მიწის ნაკვეთის მოძიება, შესყიდვის პროცედურების მოგვარება, მოსახლეობასთან მოლაპარაკება, სამშენებლო პროექტის მომზადება (დამკვეთის სურვილის შესაბამისად), მშენებლობის ნებართვის მოპოვება;
• ქარხანა/საწყობი: ქარხნის/საწყობის სპეციფიკის გათვალისწინებით მიწის ნაკვეთის მოძიება, შესყიდვის პროცედურების მოგვარება, სამშენებლო პროექტის მომზადება, მშენებლობის ნებართვის მოპოვება, ლიცენზირება;
• ელექტროსადგური: მზის, წყლის, ქარის ელექტროსადგურის მოწყობის მიზნით ლოკაციის შერჩევა, კვლევა, მოსახლეობასთან მოლაპარაკება, პროექტის გაკეთება, ნებართვების მოპოვება;
• ბუნებრივი წიაღისეული: საჭირო წიაღისეულის ლოკაციის იდენტიფიცირება, კვლევა, ლიცენზიის მოპოვება, მოსახლეობასთან მოლაპარაკება;
• სამედიცინო დაწესებულება: მიწის ნაკვეთის მოძიება, შესყიდვის პროცედურების მოგვარება, სამშენებლო პროექტის მომზადება, მშენებლობის ნებართვის მოპოვება, ლიცენზირება.

ბიზნესში ინვესტირება

ბიზნესში ინვესტირება გულისხმობს ორ შესაძლებლობას:

1.   მოქმედი ბიზნესის გაფართოების, გაძლიერების, ვალდებულებების დაფარვისთვის ინვესტორის მოძიება. ბიზნესში ინვესტორი შეიძლება იყოს: ფიზიკური პირი ან კომპანია;

2.   ფინანსური კაპიტალის მქონე ფიზიკური პირი ან კომპანია, ვისაც სურს თანხის ინვესტირება, ბითიჯის ბიზნეს ბროკერების დახმარებით შეარჩევს სასურველ ბიზნესს (კომპანიას) და განახორციელებს ინვესტიციას.

ინვესტორის მოძიება ან/და ბიზნესში ინვესტირება შესაძლებელია 2 მეთოდით: 

ა) ბითიჯის ბიზნეს ბროკერების გამოცდილი გუნდი ექსკლუზიური პირობებით მართვაში აიღებენ ბიზნესის დამფუძნებლის/მმართველის ან ინვესტორის განაცხადს, აწარმოებენ მოლაპარაკებებს და ორგანიზებას გაუწევენ დამკვეთის ინტერესის შესაბამისად შედეგის მიღწევას; 

ბ) ბიზნესის მესაკუთრეს/ხელმძღვანელს, ან ინვესტორს შეუძლია თავად განათავსოს განაცხადი ბითიჯის პლატფორმაზე და დაინტერესებულ მხარეებთან უშუალოდ აწარმოოს მოლაპარაკებები.

ბიზნესში ინვესტირების (ინვესტორის მოძიება ან/და ბიზნესში ინვესტირება) სურვილის შემთხვევაში გაიარეთ  რეგისტრაცია.